MOSUL, Irak – E grupo Yihadista denomina Estado Islamico (EI), a asesina diaranson 52 hoben den un scol publico ubida oost di e ciudad, un dia despues cu tropanan Iraki a drenta den e ciudad via e frente oriental.
Un di e dirigentenan di e asina yama Cabayeronan di Mosul, e grupo di bisiña arma cu ta resisti ISIS den e interior di e ciudad, Mohamed al Musali, a splica e agencia di noticia EFE via telefon cu e victimanan tabata antiguo efectivo di forsanan di siguridad.
E hobennan aki, no obsante, a mustra su “arepentimento” dilati ISIS pa nan profesion anterior, loke no a evita nan ehecucion, manera cu e sosode tambe dia 27 di October ultimo, cu otro mey centenar di antiguo uniforma nan.
E grupo extremista a pidi awe na e residentenan di e bario Al Jadraa, Al Samah, Al Karama y Al Qudis, pa acudi na e scol Meca, situa den e prome di e districtonan, cu nan pertenencia y documentonan identidad.
Segun Al Musali, e Yihadistanan a cuminsa cu ataca e casnan di esnan cu no tabata responde na e yamada, realisa desde e speakernan di e mosquenan.
Cientos di hoben a wordo dirigi pa e motibo ey na e colegio Meca de Al Jadraa, cual ehecucion extrahudicial a wordo prepetra.
E forsanan di siguridad Iraki a pidi di nan banda na e habitantenan di e barionan oriental pa keda den nan cas y no haci caso na e yamamentonan di ISIS.
Rondona pa e avance di e ofensia militar contra Mosul, e Yihadistanan a incrementa den e ultimo simannan e asesinato di civil y di miembronan activo di forsanan di siguridad.
Fuente: NTN24