TEHERAN, Iran- E pueblo Irani, ansioso pa tin mas libertad y menos aislamento for di exterior a reeligi, di manera contundente e presidente Hassan Rouhani, retando asina e elite clerical conservado cu ainda ta mantene su influencia.
Television estatal a felicita Rouhani pa su victoria. E arkitecto di e partido fragil (ainda) pro occidente ta encabesa e recuento di un 58.6% di e votonan, contra di 39.8 % di su rival, e hues Ebrahim Raisi, segun resultadonan casi completo publica diasabra.
Aunke e podernan di e presidente electo lo ta limita pa e lider Supremo, e Ayatolah Ali Jamenei, di e jerarkia superior, e victoria amplio di Rouhandi ta duna e pro reformistanan un mandato fuerte.
E oponente di Rouhani, Raisi, ta un protege di Ali Jameini, cu segun rumornan, lo por ta e posibel sucesor di e lider supremo, na mando for di 1989.
Posiblemente e reeleccion lo salvaguardia e acuerdo nuclear cu e gobierno di Rouhani a cera cu e potencianan mundial na 2015, bou di cual mayoria sancion internacional a wordo kita, a cambio di cu Iran stop su programa nuclear.
Sin embargo, Rouhani ta sigui confronta cu e mesun restriccionnan na su capacidad pa transforma Iran cu a strob’e di realisa un cambio sustancial durante su prome mandato y el a frustra e posibilidad di un reforma di un di su predecesornan, Mohamed Jatami.