IPKO e biaha aki tabata diferente

0

Drs. Mervin Wyatt-Ras hunto cu coleganan Sneek, Sevinger y Arends a representa Aruba den Reunionnan di IPKO. Contrario na otro biahanan cu ta trata topiconan manera enseñanza, posibilidadnan economico duradero, salubridad, integridad y areglo ora di disputa tabatin mas bien diferente presentacionnan y bishitanan. A haya presentacion di SIDS (Small Islands Developing States) dor di representantenan di e Centro di Excelencia pa SIDS. Gobierno di Aruba desde inicio tabatin un rol activo y tin cu raporta. Ta di importancia pa implementa cambionan.

E delegacion Hulandes lo pidi sosten di gobierno Hulandes pa sosten pa cu implementacion di SDG’s. E delegacion di St. Maarten a duna un presentacion encuanto consecuencianan di Horcan Irma y reconstruccion despues di esaki. Hulanda a yuda cu 550 miyon euro, mientras e gastonan tabata hopi mas.

Sr. Nicolaas a duna un presentacion di e situacion di Venezuela. E delegacionnan ta preocupa pa e boycott di Venezuela pa cu Aruba, Corsou y Boneiro y consecuencia di esaki.
Diabierna dia 12 di januari lo tin un consulta entre Reino y Venezuela.
E relacion cu Venezuela tabata riba agenda den pasado y lo keda ariba agenda.
Otro temanan cu a haya presentacion ta institutonan penitenciario den Reino, metanan di desaroyo sostenibel y desaroyo economico duradero. Alabes tabatin bishitanan na WEB y na e proyecto di “alga” na CITGO. Esnan presente tabatin palabra de elogio.

Lo agrupa diferente gruponan di trabou pa atende SDG’s.
A bishita e proyecto di Hospital den renobacion y aki a ricibi un presentacion y recorido. Por bisa cu e facilidad ta mustra hopi bon. Lo amplia e facilidad cu unidad di ICU y salanan di operacion. A splica cu tin cooperacion cu paisnan den Reino pa loke ta trata
diferente specialismo y pashentnan. A menciona e healtcare conference unda tin diferente palabracion haci entre e paisnan a base di palabracionnan di IPKO. Ademas a enfoca ariba puntonan di atencion y unda ta desea cooperacion di Hulanda. Por a mira tambe e badkuip unda mamanan por haya nan baby. Wyatt-Ras y su coleganan a keda positivamente impresiona y e ta spera cu pronto e trabounan lo ser finalisa. Ademas por bosa tabata bon pa topa coleganan den Reino un biaha mas.

LEAVE A REPLY

Please enter your comment!
Please enter your name here