Sr. Haime Croes director di Instituto Pedagogico Arubano a bin combersa tocante cual lo por ta e diferencia cu lo tin actualmente den sistema educativo na relacion di Aruba pa cu e otro paisnan.
Director di IPA a cuminsa pa splica cu lo mester bay pasa bek cu studiantenan tur lo cu ta encera e parti educativo, pasobra den teoria lo ta hopi bunita, pero mester revisa den un forma mas realistico awor aki den nos pais, anto e ora IPA lo bin den grupo evalua e situacion aki.
A wordo ripara cu lo bay wak educacion, mescos cu UN na 2015 a bisa con ta bay ataca e dimensie di Duurzame Ontwikkeling, unda cu nan a bin cu e reaccion cu lo por traha den un forma holistico ariba a punto aki, anto a resulta cu na Aruba e aspecto cu lo ta varia considerablemente y cu lo a keda atras ta e aspecto social.
Aspecto social lo ta mara na na e norma y balor, cu ta un bon gobernacion, anto riba e punto aki IPA a bay riba e dimension aki y lo wordo tuma e relacion cu e prome prioridad, cu lo ta combati pobreza, calidad di enseñanza, unda cu mester siña na e muchanan con e balor lo ta di e educacion pero tambe di e aspectonan social.
Door di e tema aki sr. Haime Croes di IPA a wordo anuncia cu nan lo ta biniendo awor aki cu un curriculum nobo na IPA unda nan lo ta bezig cu e 21st Century skills pasobra e muchanan mester compronde kico ta nos mundo, nos futuro, y e metodo pa cu e realisacion di esaki , cu lo ta mustra con e aspectonan social lo hunga un rol den educacion. Ta bunita ta integra den e programa ta e aspectonan di famia, educacion, y tur esaki lo bin cera den e programa di perspectiva social.
IPA ta consciente di tur e problema social unda cu Aruba lo ta cera awor aki y cu nan ta hopi grandi, pero maestro so no por resolve e situacion lamentabel aki. Tur dia ta wak e cifranan, e docentenan unda cu por a mustra e gran cantidad di studiantenan cu lo keda sinta den eerste jaar anto e lo ta bin door cu e aspecto di educacion cu e famia, e no ta bayendo bon y cu e mucha sigur lo tin algun problema cu ta pasando den dje. Docentenan mester conoce cual lo ta e situacion ey pa por brinda yudo y bay profundisa den e aspecto social pa yuda di e mucha y esaki lo ta hopi importante, segun Sr. Haime Croes di IPA.