Aruba Karate Bond (AKB) kier invita tur karateka di Aruba cu tin por lo menos 12 aña di edad, di nacionalidad Hulandes y cu nan dojo ta miembro activo di Aruba Karate Bond, pa participa na e try-outs pa seleccion nacional di karate durante dianan 18 y 19 di Februari, 2017, na Compleho Deportivo Franklyn Bareño y den Dojo Tiger Teakwondo Academy.
Si bo ta un persona cu un vision y meta pa mehora bo condicion fisico, bo tin bon disciplina, bo por traha den un team y ta dispuesto pa traha duro y sinja bo ta welcome pa bin y participa na e try-outs. Si bo scol a manda e informacion caba no tin necesidad di mande un biaha mas.
Si bo no a inscribi ainda pa e try-outs, mester manda un email cu bo Nomber y Fam, Fecha di Nacemento, Number di Contacto y bo grado di KYU na: [email protected] prome cu Februari 16, 2017. Ora AKB ricibi bo informacion lo verifica esaki y un miembro di e directiva lo tuma contacto cu bo y dunabo detayes di e Try-Outs cu lo cuminsa diasabra, Februari 18, 2017.
E atleta lo wordo evalua door di un coach internacional, head coach di AKB y alabes un ekipo di profesional cu lo yuda cu e evaluacion,
AKB preparando pa Youth Olympic 2018 y Tokyo 2020. Nos ta spera di conta cu boso presencia.