Diabierna awo 14 di October, tur piscado y doño di boto ta invita pa e Reunion di Capitan (Captain’s meeting) pa e torneo di pesca di Hadicurari su reto di hilisterchi. Na e encuentro aki lo por inscribi y alabes lo repasa e reglanan den un ambiente sumamente yen di goso di piscado pa cual Hadicurari ta conoci pe. E torneo ta conta e biaha aki cu mas di 2800 florin na premio y ademas lo paga e piscadonan pa nan pisca entrega.
Buscando e maton di hilisterchi
E biaha aki piscadonan di Hadicurari a reta tur piscado pa bin demostra talento di piscamento. Den un torneo unda ta conocemento, mas e maña, mas dexteridad lo ta conta. Cu unicamente Hilisterchi, anto na su temporada di luna, lo conta. Den un tempo limita, saliendo for di Hadicurari y bolbiendo na pier di Hadicurari bek den tempo limita di algo mas cu 4 ora, lo test ken ta ken den piscamento.
Awo tin co. Cu hopi premio. 500, 450, 400, 350 y 300 florin pa e prome 5 luganan na premio. Mas premionan pa mayor ehemplar Hilisterchi, Pisca di Piedra, Wow’i Boyo y Capitan, lo ta 2800 florin na premio. Ademas, lo paga 12 florin pa kilo di tur pisca pisa y entrega pa e torneo, pa asina e piscadonan no tin molester y lo tin na zakgeld mesora.
Inscripcion lo ta unicamente 30 florin pa persona y cu un minimo di 2 participante te na e maximo of 3 participante pa boto. Lo tin un solo categoria, Open All Tackle. Pesey percura pa diabierna awo 14 di October pa 8’or en punto ora porta habri te 10’or di anochi, terminando cu e acostumbrado hospitalidad di Hadicurari.
Diasabra torneo 4:30 pa 9’or na pier:
Diasabra, fanaticonan di piscamento por bin apoya nan piscado faborito na beach dilanti Hadicurari, caminda lo tin bar y cushina bon surti, a la piscado.