SANTIAGO, Chile – E inversion stranhero directo (IED) den Latino America y Caribe lo cay rond di un 5% na 2017 y lo completa cuatro aña consecutivo di disminucion, pa cual e ta urgi pa genera poltiica pa atrae fluho di inversion pa e region, segun CEPAL.
E caida premira den e inversion stranhero pa e aña aki, no obstante, ta mas chikito cu e disminucion di e 7.9%, na 167.043 miyon dollar, registra 2016, segun e organismo.
“E resultadonan aki ta door di e prijsnan abao di e prijsnan di materia prima y su impacto den e inversionnan dirigi na e sector di recursonan natural, pa e crecemento lento di e actividad economico den varios economia y pa e scenario global di sofisticacion tecnlogico”, CEPAL a bisa den su informe.
E comision a agrega cu e expansion di e economia digital tin e tendencia na un concentracion di e inversionnan transnacional den economianan desaroya, pa cual el a haci un yamado na paisnan en bloque pa genera politico pa captura recursonan cu ta apoya procesonan nacional di desaroyo sostenibel.
Hefe di CEPAL, Alicia Barcena, a destaca den su informe cu IED tabata un factor clave pa e desaroyo di exportacionnan den e region, como tambe e creacion di sectornan nobo.
El a agrega tambe cu “diferencianan grandi di productividad cu persisti den e region y e scenarionan tecnologico nobo cu e di cuater revolucion ta propone ta exigi politicanan nobo”.
Apesar di e recesión, Brazil a aumenta na 5.7% su entradanan di IED na 2016 y el a mantene su mes como e principal receptor den e region (78.929 miyon dollar). Na Mexico, cu a ricibi 32.113 miyon dollar y cu tabata e di dos pais receptor, e IED a cay cu 7.9%.
Fuente: http://lta.reuters.com/article/businessNews