Diarason dia 24 Mei venidero MI BÈSHI lo bay ta na Aruba, pa un presentacion di introduccion.
Kico ta un Bèshi?
Bèshi ta un saco traha di paña cu nos grandinan tabata hinca placa aden, e ta wordo cera na su rand ariba cu un repi di paña cu ta keda colga. E repi cu keda colga nan ta mare na nan rand di BH, of loep di carson of ta hinca e bèshi den nan saco di schort.
Ironia ta cu NUNCA e Bèshi ta bira bashi!
Na Corsou diferente hende individual, miembronan di sindicato, club, compania, trahadonan di empresa a sigui training di MI BÈSHI cu exito.
Meta di e curso aki ta pa concientisa e cabes di cas, (famia) trahado, e persona cu awor ta drenta e fase laboral y tin cu atende cu su propio entrada e principionan basico fundamental di MI BÈSHI esta PRESUPUESTA y BIBA SIN DOLOR di CABES.
Con mester maneha bo entrada (salario, placa, cen, lazjan) eficasmente pa nunca bo BÈSHI ta bashi.
Durante di e training e cursistanan participante ta haya un bista general riba presupuesto individual y presupuesto familiar.
MI BÈSHI a yuda hopi compania baha e problemanan financiero bou di su trahadonan cu tabata influencia e forsa laboral.
Hopi famia a logra yega na un acuerdo con tin cu presupuesta. E participantenan tabata hopi contento cu e tipnan ricibi con pa baha gastonan di luna.
Participantenan cu a sigui e curso aki awor ta presupuesta mas miho, a sali for di debe y awo ta biba sin ningun clase di preocupacion financiero. Companianan cu a participa na e curso
MI BÈSHI a mira un rebaho substancial di ausencia na pia di trabou pa motibo di problemanan financiero.
Intencion ta pa mas tanto cuidadano (klase trahado) na ARUBA participa na e curso aki.
E diferencia compara cu otro cursonan similar ta, cu na final di e workshop MI BÈSHI e cursista por sigui haya un guia di 6 luna, con pa traha un presupuesto familiar balansa y eventual sali for di su debenan no calcula.
E desaroyador di e workshop“MI BÈSHI” sra. Mazarella Jansen lo comparti su propio experiencianan di presupuesto despues di a cambia di trabou y bay mas cu 800 florin atras den salario. Despues di a divorcia y mester sigui mantene cas y yiunan. Pasonan cu el a canalisa pa BIBA SIN DOLOR DI CABES.
E workshop MI BESHI ta dura un dia completo. Tambe tin oportunidad haya un training introductorio di 2 ora y mey cual ta contene e informacion basico di presupuesto.
Durante e workshop di un dia e cursistanan lo haya diferente modulo cu ta trata entre otro:
Con ta conoce bo mesun entrada como trahado.
Con pa saca afo ki tipo di bida bo kier tin cu bo entrada.
Con pa planea un presupuesto.
Confronta bo miedonan pa traha presupuesto.
Siña mantene bo mes na bo presupuesto.
Traha un presupuesto na bo entrada basa riba bo metanan.
Metodonan con pa pone bo “budget” bek den balansa.
Metodo pa yega na bo propio cas cu bo entrada.
Con pa paga un hipotec den 10-15 aña, y no 30 aña.
Metodo con pa paga bo debenan.
Metodo pa yega na un auto sin hopi gasto mensual.
Metodo pa spaar ariba cosnan innecesario.
Metodo pa spaar ariba cuminda, paña.
Metodo pa spaar ariba cosnan grandi (cas, auto, etc).
Metodo con pa siña bo yiunan anda cu placa. Con pa spaar pa yega na bo cosnan material. Metodo con planea vakantie.
Sali for di den “rood”.
Metodo con pa spaar toch pagando bo debenan.
Con pa organisa bo cuenta bancario, baha gastonan administrativo di banco.
Con pa sobra placa fin di luna.
Metodo di envelop.
Metodo MI BÈSHI.
Con pa spaar placa riba gastonan di utilidad
Con pa baha gastonan di hipoteca sin refinanciamento.
Con pa spaar pa biaha.
Con pa negocia huur, compra y benta
Baha bo pagonan di seguro. Kico ta prioridad y kico no
Con pa genera entrada etc.
Con pa atende gastonan financiero entre pareha.
Con pa yega na capital.
Credit card y su consecuencianan.
Cooperativa y su bentahanan.
Con pa stop di fia placa.
Personanan, companianan, lidernan di club, sindicatonan, doño di empresa cu ta interesa na participa na e curso di introduccion di dos ora y mey hunto cu miembro y trahadonan di FAVI pa cera conoci ku MI BÈSHI na ARUBA, por tuma contacto cu trahador social Ghislaine de Rosa-de Cuba di FAVI na telefon 5825222.
Boso lo haya tur informacion di lugar y orario di e training.
Si abo como pareha, compania, fundacion, club, sindicato, doño di empresa kier organisa e curso aki pa su trahadonan nan tin ku drenta den contacto cu Sra. Mazarella Jansen na telefon +59996728884.
Of email: [email protected] pa mas informacion tocante e proximo fecha nan di workshopnan MI BÈSHI na ARUBA.