Sr. Steve Hudson, di Interpark Coney Island, ta splica di e caso lamentabel di e mucha den parke.
Sr. Hudson ta splica cu e parke ta conta cu tur rekisito di siguridad cu un parke mester tin y esaki ta basa ariba e experiencia cu nan tin. Nan a haya luz berde di polis pa sigui cu e operacion atrobe. Esey ta nifica cu e suspencion di 48 ora ta vence. Tur esaki tabata pa motibo di cu un mucha a cay den e parke diasabra anochi. Esaki a hasta sorprende e mayornan di e mucha, ya cu nan ta haya cu no tabata tin mester di e sera e luga.
Minister di Husticia, mr. Andin Bikker, a pidi Sr. Hudson pa un carta di garantia unda ta para cu nan ta keda responsabel pa tur operacion. E ora el a duna un polisa di seguro cu ta mustra cu tur bishitante ta sigura pa maximo 250.000 florin si algo pase na e parke. Ademas a sigura cu tur e ekiponan ta wordo controla tur dia y tin documentacion pa esey. Tur caminda di mundo por sosode un accidente, hasta den e parkenan di recreacion mas grandi. DTI a controla e parke rigurosamente y tur cos tabata na ordo. E parke lo keda Aruba te na April proximo.
Interpark Coney Island tin su reglanan y ta pidi tur hende pa cumpli cu e rekisitonan. E promotor ta lamenta cu e publico ta uzo rednan social pa caba cu e Interpark Coney Island.
Durante e investigacion den e parke unda cu’n mucha a haya un accident ariba un di e aparatonan. A dicidi di sera e luga pa 48 ora, tur esten cu e investigacion ta andando. Pero den e caso aki, ta e mucha a faya door di no actua conforme e regla di e aparatonan. E mucha en cuestion no a haya nada, y ta bon di salud.