Riba diadomingo, 22 di Oktober, 2017, e di dos edicion di e International Challenge Aruba a tuma luga riba nos isla, pasando door di varios bario riba e isla y areanan costal, incluyendo Palm Beach y e area di hotel.
E anja aki, Hilton Aruba Caribbean Resort & Casino a partner cu Challenge Aruba como un di su sponsornan principal, como parti di un esfuerso pa conscientisa hende y mustra sosten pa e isla su atletanan paraplegico. Como un resultado di e partnership aki e resort su parkeerplaats pa miembronan di ekipo a wordo uza pa e transicion di bicicleta/coremento y e caminda di e careda a hiba participantenan door di e hardinnan di e resort cu mas di 25 miembro di ekipo actuando como boluntarionan pa yuda guia e participantenan durante e careda.
E International Challenge Aruba 2017 a presenta algun dia yena cu actividad pa triatletanan, nan famia y amigonan, ya cu nan a bini for di rond di mundo pa competi akinan, den un Half-Triathlon, Half- Triathlon-Relay, Sprint-Triathlon y un Sprint-Triathlon-Relay.
E resort ta orguyoso di su tres miembronan di ekipo cu a participa den e sprint triathlon, Jacques Monteil, Gerente di Hotel, a completa e careda den 1:57:45 y Manuel Reyes, Pool & Beach, a completa e careda den 1:46:14, kedando na di tres luga den su categoria di edad. Steve Lacle di F&B a participa den e triathlon y a completa e careda den 6:50:11.
E International Challenge Aruba Triathlon ta e isla su evento deportivo di mas grandi, y ta conta cu e participacion di top atleta y hendenan local..Challenge Aruba ta un miembro di e Challenge Family y ta wordo transmiti globalmente na miyones di televidente.