Interes pa Aruba Caiso & Soca Monarch 2018 ta grandi

0
RBC Juli 2018
ling and sons porciento
Funmiles-2018

Despues di un tremendo anochi di registracion e participantenan di Aruba Caiso & soca Monarch 2018 ta conoci

Diaranson anochi, Stichting Musica a organisa e registracion pa Aruba Caiso & Soca Monarch 2018. Tabata un anochi historico na unda, den un ambiente masha ameno, e registracion di Tumba Contest y Aruba Caiso & Soca Monarch a tuma luga hunto na Centro di Bario Brazil,
resultando hopi efectivo pa musiconan y miembronan di prensa. Varios participante y band leader a acudi pa asina finalisa nan registracion na e grandioso festival, cu sigur ta un di e eventonan durante e temporada di Carnaval cu ambos musico y publico ta anticipa p’e.

Tabata bunita pa experencia e modo cu varios banda y musico a yega na e registracion uniforma y algun hasta cu fanfaria y brassband cual a haci e anochi aun mas special. Stichting Musica ta gradici tur miembro di prensa cu tabata presente, en particular e radio emisoranan
y plantanan di television cu a transmiti “live”, cu a duna tur musico amplio oportunidad pa
divulga detayes di nan participacion. Stichting Musica a keda sumamente satisfecho cu e cantidad di registracion ricibi y a expresa nan gratitud y palabranan di exito na e participantenan cu a inscribi. Tambe a elogia tur Band Leaders pa nan tremendo trabow haci, mirando cu e aña aki a opta pa digitalisa e registracion. Mayoria inscripcion a wordo haci
online, via sistema di e-mail, cual a facilita e procedura. Na final di e anochi di inscripcion a “trek lot”pa haya sa e secuencia pa cada anochi di Prefinalnan di Aruba Caiso & Soca Monarch 2018.

E resultado ta lo siguiente:
Prefinal Aruba Caiso & Soca Monarch 2018 pa dialuna, 22 januari (prome anochi):
1. Back on Track
2. Raggadonz
3. Perfect Sound
4. Youth Xtreme (YX3M)
5. Mellow
6. Caribbean Band
7. Buleria
8. The Failures

Detayenan pa prome anochi di Prefinal : 8 banda, 28 cantica, 26 cantante, 20 soca / 8 caiso

Prefinal Aruba Caiso & Soca Monarch 2018 pa diamars, 23 Januari (di dos anochi):
1. Tsunami
2. 1OAK
3. Furyah
4. B.M.W.
5. Madness Band
6. Zeta Band

Detayenan pa di dos anochi di Prefinal: 6 banda, 30 cantica, 25 cantante, 24 soca / 6 caiso

Prefinal Aruba Caiso & Soca Monarch 2018 pa diaranson, 24 Januari (di tres anochi):
1. N’Fuzion
2. OREO
3. Robert y su Solo Banda Show
4. Le Groove
5. Hot Ones
6. S.T.E.A.M.
7. D’-Licious

Detayenan pa di tres anochi di Prefinal: 7 banda, 35 cantica, 28 cantante, 28 soca / 7 caiso

Publico por spera un total di 21 banda; 79 cantante cu 93 composicion nobo, di cual 72 ta den
e categoria Soca y 21 ta Caiso. Stichting Musica a termina e anochi gradiciendo e partnernan di e festival, SETAR NV, Tropical Bottling Company, AAA y Elite Productions cu a deposita nan confiansa den e organisacion y asina tambe nos talentonan local.

Comments

comments

C: Heineken
new india
dvg