LONDON, Inglatera – Den Inglatera tin construi, segun calculacion, 600 edificio cu ta traha den e mesun material cu Grenfell Tower, e edificio di apartamento na London, cu a kima por completo na London. E edificio di flat tin peliger di candela y mester wordo renoba mas pronto posibel, segun prome minister Theresa May awe durante un debate den Parlamento Britanico.
Awor aki ta wordo mira riba e extension di e candela. Riba dje otro consehonan di municipio na INglatera ta wak si e edificionan di casnan social a uza e mesun materialnan.
600 edificio peligroso ta plama riba Inglatera. Den Reino Uni vivienda ta cay bao di maneho local den e varios distrito of municipionan. May por papia solamente riba Inglatera. E resto Wales, Noord Ierland y Escosia, mes mester busca un institucion di investigacion riba e calidad di construccion.
E candela den Grenfell Tower siman pasa, a cuminsa rond di mey anochi riba e di dos piso. E lama di candela a plama super lihe den e 24 pisonan. Debi cu hopi di e habitantenan tabata drumi y di baina por a scucha e alarma di candela, hopi hende a wordo sorprendi pa e candela. Casi tur apartamento a wordo completamente kima y 79 hende a fayece. Na 2016 e edificio a wordo renoba, caminda cu uzo a wordo uza di material di isolacion barata. E habitantenan di e flat a wordo avisa anteriormente riba e peliger di candela.
Fuente: https://www.nrc.nl/