E nivelnan halto di consumo di salo por aumenta e riesgo di un adulto di desaroya diabetes, investigadornan a bisa.
E estudio nobo a inclui e dato di miles di persona na Suecia. E hayasgonan a mustra cu e ingestion di salo ta asocia cu un aumento promedio di 65 porciento den e riesgo di desaroya diabetes tipo 2 pa cada 2.5 gram extra di salo (un poco menos cu mey cuchara chikito) consumi pa dia.
E personanan cu e consumo mas halto di salo (aproximadamente 1.25 cuchara chikito di salo of mas) tabata tin un 72 porciento mas di probabilidad di desaroya diabetes tipo 2 compara cu esnan cu menos tabata consumi nan, investigadornan a descubri.
Salo den bista
E estudio, dirigi pa Bahareh Rasouli, di e Instituto di Medicina Ambiental di e Instituto Karolnksa di Stockholm, a presenta diahuebs den e reunion annual di e Asociacion Europeo pa e Estudio di Diabetes (European Association for the Study of Diabetes (FASD) na Lisboa, Portugal.
E estudio actual no a analisa e manera cu salo por aumenta e riesgo di diabetes. Pero investigadornan a sugeri cu aumenta e consumo di salo por fomenta e resistencia na insulina, un afeccion cu por hiba na diabetes tipo 2. Of por ta cu e ingestion di salo por ta relaciona cu tin un mayor peso.
E estudio no por demostra cu tin un relacion causal directo, sino solamente un asociacion.
E consumo halto di salo tambe a asocia cu un aumento significativo den e riesgo di diabetes autoinmune latente den adulto, un forma di diabetes tipo 1 cu ta desaroya hopi lentamente y cu ta aparece den adultes.
E hayasgonan di e estudio por ta importante pa e esfuersonan den e prevencion di diabetes den adulto, investigadornan a bisa den un comunicado di prensa di EASD. Esakinan ta wordo considera preliminar te cu publica un revista revisa pa hendenan profesional.
Fuente: www.holadoctor.com