Kralendijk Boneiro: Aki ta sigui informe Policial di Boneiro. Riba djárason 31 di ougùstùs un aksidente a tuma lugá riba Kaya Korona. Shofùr di e outo ku tabata koriendo riba Kaya Korona bayendo den direkshon di Playa, a pèrdè kòntròl riba su stür i a bai dal den un baki di betòn kantu di kaminda. No tabatin herido.
Detenshon sendementu di kas na Kaya Kanari na kandela
Riba djamars 30 di ougùstùs a drenta notifikashon di kandela den un kas situá na Kaya Kanari. Brantwer a paga e kandela. No tabatin niun hende den e kas. Kuater siman pasa tambe tabatin notifikashon di kandela den e mesun kas aki. Mas lat riba e mesun dia a detené doño di e kas relashoná ku sendementu di kandela. Ta trata di e hòmber di inisialnan J.M.
Detenshon ilegalnan
Durante di e siman tras di lomba a detené 5 persona ilegal na diferente sitio. Ta manda nan tur bèk pa nan pais prosedente.
Kiebro akomodashon turístiko
Riba djárason 31 di ougùstùs a drenta keho di kiebro den un akomodashon turístiko situá na Lima. A bai ku entre otro un kámara di saka pòtrèt, un iPhone, un tas di lomba bieu i un iPad kolo ros. E ladronisia a tuma lugá entre 7 or i 9 or di anochi. A haña algun di e artíkulonan bek na un bich den besindario. E kaso ta bou di investigashon.