Influenza ta un malesa cu ta keda den circulacion

0

Dokter Maritza Ordoñez, di Departamento di Salud Publico ta splica riba e tema di influenza cu awo ta ser sinti na hopi paisnan cerca di nos.

Apesar cu Aruba ta un pais, no asina desaroya manera otronan, relaciona cu influenza. Influenza ta un malesa cu no ta para, y door cu nos ta un pais turistico, e ta keda den circulacion. Pero apesar di esey, no mester lubida e campaña di November 2016, cu tabata un exito. Cinco mil vacuna a wordo duna.

Personanan di riba 60 aña, ta esunnan mas vulnerabel. Y e grupo mas chikito semper nos ta mas pendiente di dje tambe. Ainda DVG tin algun vacuna cu a resta. Na October lo tin vacuna un biaha mas disponibel. Departamento di Malesanan Contagioso ta vigilando si cerca di nos, por tin algun brote. Te ainda DVG no tin niun conocemento si tin algun brote cerca di nos isla. Si algun hende kier vacuna ainda, DVG tin ainda. Pa hende grandi e ta gratis y tambe pa muchanan chikito. Y pa esunnan cu kier pone ariba nan iniciativa, tambe e ta disponibel. E proximo lote ta bay ta disponibel na October.

DVG ta trahando di cerca cu EHBO, Dokternan di Cas, Dokternan di Mucha cu si tin algun informe di influenza, y esey te ainda ta negativo. Si ta recomendabel, pa ora bay cu vakantie, tuma e precaucionnan necesario.

Recientemente tabata tin un tour na diferente radio y television, dunando informacion di kico tur bo mester haci. Una bes cu bo ta bay biaha, bay na Departamento di Malesanan Contagioso, y duna informacion eynan di unda bo ta bay, cu si tin virus of algun malesa ta rondona e pais en cuestion.

Aworaki loke Departamento di Malesanan Contagioso ta recomenda, pa si bo ta bayendo un luga unda cu tin keintura geel, bo mester bay tuma bo vacuna. Bo lo no drenta e pais, si bo no tin e paspoort di vacuna, cu stempel y firma di Departamento di Salud.

Actualmente tambe tin e stof di Sahara, cu tur hende ta papia di dje. Cu esaki bo tin dos posibilidad: problema y beneficio. Problema respiratorio, mas tanto den hende grandi cu ta sufri di problema asmatico y alergia. Beneficio ta cu e biento di Sahara ta bin carga cu mineralnan cu ta bon pa agricultura. Esey ta pasa tur aña y no por evita esaki, segun Dr. Maritza Ordoñez, di Departamento di Salud Publico.

LEAVE A REPLY

Please enter your comment!
Please enter your name here