Cruz Cora no por bisa kico clima ta bay haci, refiriendo asina na e ultimo desaroyo di tempo cu Aruba a pasa aden na comienso di luna. Segun Indra Anthony-Pereira, vocero di e organisacion, un cos si cu por bisa cu Cruz Cora ta haci su best pa ta miho prepara posibel. Por a ripara tambe prome cu algo a bira oficial ya caba a yama su hendenan. A cuminsa train, a duna lezing anochi. Cruz Cora no ta warda. Cruz Cora henter aña ta preparando. Hopi hende ta bisa cu por ehempel, dicon Cruz Cora ta prepara si nada no ta pasa na Aruba. No ta bay si e pasa. Ta bay cu semper mester ta paraat y pesey Cruz Cora semper ta haci su best pa keda update y tin cu bisa tambe cu e biahe aki pa Haiti di dos di su miembronan, ta uno importante. E dos personanan aki ta encabesa un desaster team na Aruba den Cruz Cora. Pa nan ta importante pa nan bay afo, haya e experticio di cual nan ta haciendo e siman aki. Tur loke nan a siña y train aki na Aruba, nan ta poniendo den practica na Haiti. Esey ta un bentaha so pa Aruba. Pasobra nan ta comparti cu nan coleganan y asina ta hisa e nivel di e desaster team pa cualkier eventualidad. Esey ta e manera di Cruz Cora di ta prepara tur dia, Anthony-Pereira a comenta.