Oficina Central di Estadistica ta presenta e resultadonan principal di e Indice di Prijs di
Consumo (CPI) pa luna di Januari 2018.
E CPI pa luna di Januari 2018 ta 117.89, loke ta representa un subida di 0.2% compara
cu e indice di December 2017 (117.62).
E cambio di e CPI pa e ultimo diesdos (12) lunanan (Januari 2017 te cu Januari 2018) ta
1.1%, un subida di 1.5 ppt compara cu e periodo corespondiente di aña pasa (-0.4%).
E promedio anual di e tasa di inflacion pa e periodo di Januari 2017 te cu Januari 2018
ta -0.4%, un subida di 0.5 ppt compara cu e -0.9% registra den e periodo di Januari
2017 te cu Januari 2018.
Durante e luna aki, shete (7) di e diesdos (12) sectornan a registra subida di prijs. E
subidanan cu tawata tin e mayor efecto riba e CPI a wordo registra pa e sectornan di
“Cuminda y bebida no-alcoholico” (1.1%) y “Recreacion y cultura” (0.7%), causando un
efecto di 0.16 y 0.06 ppt, respectivamente. E subidanan den e restante sectornan a
contribui cu un efecto di 0.09 ppt riba e CPI di Januari 2018.
E subidanan aki a wordo contraresta parcialmente door di principalmente un caida den
e indice di e sector di “Paña y sapato” (-1.2%), cu a contribui cu un efecto di -0.06 ppt
riba e CPI di Januari 2018. E caidanan den e sectornan restante a contribui cu un efecto
di -0.03 ppt riba e CPI di Januari 2018.
E subida den e sector di “Cuminda y bebida no-alcoholico” a wordo causa
principalmente door di un subida den e categoria “Cuminda” (1.3%), causando un
efecto di 0.15 ppt. E subida den e sector di “Recreacion y cultura” a wordo causa door
di subida di 7.7% den e categoria “Servicio recreacional y cultural”, causando un efecto
di 0.22 ppt.
E caida den e sector di “Paña y sapato” a wordo causa principalmente door di un caida
den e categoria “Paña” (-1.3%), causando un efecto di -0.06 ppt.
E canasta di consumo di e CPI ta consisti di 452 bienes y servicionan. Compara cu
December 2017, 28.3% di e bienes y servicionan aki a conoce un aumento di prijs
causando un efecto di 0.95 ppt, mientras cu 26.3% ta mustra un caida di prijs, cu a
contribui cu efecto di -0.73 ppt y pa e restante 45.4% no tawata tin cambio den prijs.
Prijsnan di bienes a subi cu 0.6% na Januari 2018 y a causa un efecto di 0.36 ppt riba e
CPI di Januari 2018. Prijsnan di servicionan a conoce un caida di 0.4% y a causa un
efecto di -0.15 ppt.
E CPIC (core inflation) – CPI excluyendo e efecto di energia y cuminda – a registra na
Januari 2018 un subida di 0.3%, un caida di 0.3 ppt, compara cu e periodo
corespondiente di aña pasa (0.6%). E indice di energia – cu ta consisti di e productonan:
electricidad, awa, gasolin y diesel a registra un caida di 3.8%, cu ta 3.0 ppt mas halto
compara cu e periodo corespondiente di aña pasa (-6.8%). E indice di cuminda a
registra un subida di 0.8%, cu ta 0.8 ppt mas halto compara cu e periodo
corespondiente di aña pasa (0.0%).
E bestaansminimum pa un hogar consistiendo di dos (2) adulto y dos (2) mucha (edad
0-14 aña) na Januari 2018 ta Afl. 4,357, mientras cu pa un hogar di un (1) adulto e suma
ta Afl. 2,075.
Cambio di prijs di Cuminda y servicio di catering na Januari 2018
E indice di “Cuminda & servicio di catering” a registra un subida di 0.9% na Januari 2018, despues di un caida di 0.1% na December 2017. E indice di “Cuminda na cas” (1.1%) a
registra un subida, unda dies (10) di e diesun (11) indicenan di e gruponan di cuminda na cas a baha na Januari 2018. E indice di “Fruta” a conoce e subida di mas grandi (4.5%) na
Januari 2018. E indicenan di “Berdura” (2.8%), “Azeta y otro productonan traha di vet” (2.5%) y “Pisca y otro cuminda di lama” (2.4%) tambe a registra subidanan. E indice di “Batata, yuca y batata dushi” (-1.6%) a registra e unico caida di prijs. Den e ultimo diesdos (12) lunanan e indice di “Cuminda & servicio di catering” a subi cu 1.3%. E indice di “Cuminda na cas” a conoce un subida di 1.2%. E indice di “Berdura” a subi cu 9.9%, e subida di mas grandi entre e gruponan di cuminda na cas, mientras cu e indice di “Batata, yuca y batata dushi” a conoce e caida di mas grandi cu 2.3%. E indice di “Cuminda pafo di cas” no registra cambio na Januari 2018, despues di un subida di 0.2% na December 2017 y registrando un subida di 1.8% den e ultimo diesdos 12 lunanan.
Na Januari 2018, “Cuminda na cas” y “Cuminda pafo di cas” como grupo, tawata tin un subida di prijs di 0.9% compara cu December 2017 y hunto tawata tin un influencia di 0.16
ppt riba e CPI, mientras cu e restante bienes y servicio hunto a experencia un subida di prijs di 1.0% y tawata tin un efecto di 0.06 ppt riba e CPI.