PARIS, Francia- India ta dispuesto di bay mas “aleu” di loke ta stipula den e acuerdo di Paris den e lucha contra di e cambio climatico, segun e Prome Minister di e pais aki, Narendra Modi, despues di un entrevista cu e presidente Frances, Emmanuel Macron.
India ta apoya e Acuerdo di Paris y ta traha den e campo, incluso mas leu di e pacto historico apoya door di 195 pais di mundo y for di cual Merca a retira despues di e decision di su presidente Donald Trump.
Modi a reuni cu Macron den e Palacio di Eliseo den cuadro di un gira Europeo cu a hib’e tambe pa Spaña, Rusia y Alemania.
Varios lider mundial a critica e decision di e presidente di Merca pa retira for di e Acuerdo di Paris.
Segun Trump, e acuerdo lo emprobece Merca y lo costa varios cupo di trabao.
E Acuerdo di Paris ta compromete Merca y 194 otro pais pa stop e calentamento global, y mantene esaki, abao di 2C.
China y e Union Europeo a reinidivica nan compromiso pa cu e acuerdo, mientras Macron a ta haya cu e decision di Trump ta “un fout grandi, tanto pa Merca como pa nos planeta”.
Fuente: www.bbc.com