DEN HAAG – Ta hopi insigur kico verkenner Edith Schippers y lider di PVV, Geert Wilders, a palabra diaranson.
Normalmente e lidernan di partido ta papia cu prensa despues di e verkenningsgesperk y Wilders a priminti esaki tambe. El a scoge despues di e combersacion, pa sali for di un otro salida y desvia di periodistanan.
PVV a perde e eleccion for di VVD. E partido di Wilder ta di dos tras di Rutte. Aunke cu Wilders a laga sa cu durante campaña cu e no lo Goberna cu VVD, mientras cu Rutte ta lider di partido. E kier pa Schipper investiga un coalicion cu VVD, PVV, CDA, 50Plus, SGP y Forum voor Democratie. E chens cu esaki lo sosote ta chikito.
VVD y CDA
VVD y CDA hopi biaha a laga sa varios biaha bon cla cu nan no ta sinti pa traha cu PVV. Rutte y lider di CDA, Buma a bisa cu nan tin mal experiencia cu Wilders. VVD y CDA a forma un coalicion na 2010 cu PVV como gedoogpartner. Rutte y Buma a tuma Wilders na malo cu e no tabata dispuesto pa tuma medidanan “in het landsbelang”
Wilders ta e unico lider di partido cu Schippers a papia cun’e diaranson. Diahuebs ainda tin cu papia cu e presidente di Eerste Kamer. Despues ta sigui un gezamenlijk overleg cu Rutte (VVD), Buma (CDA), Pechtold (D66) y Klaver (GroenLinks).
E intencion ta cu Schipper duna su verslag diaranson di e verkenningsgesprekken na Tweede Kamer pa asina apunta un informador, pero nan a pidi pa mas tempo.
Diamars tabata cla cu un coalicion cu e ganado di e eleccion, VVD y e otro tres ganadonan grandi, CDA, D66 y GroenLinks, ainda ta leu. Jesse Klaver ta yama e diferencianan entre VVD y GroenLinks “megagrandi.”
Fuente: Nu.nl