Sr. Hubert Dirks di e Comision di Importadonan di producto ta splica cu tin hopi reto specialmente ora ta papia di productonan di cuminda mirando cu tin hopi cos di mal calidad cu ta drenta Aruba y no tin control riba nan.
Pa añanan largo ta importando productonan di region y mas aleu. Ultimamente tabata tin problemanan cu Brazil cu tabata exporta carni di mal calidad. Esey Servicio Veterinario tin nomber di e plantanan cu ta procesa e carninan aki pa cual no ta permiti pa importa for di e plantanan aki.
Pero si por a ripara cu productonan di bleki, di marcanan desconoci y di calidad inferior ta drenta Aruba y ta wordo bendi. Aruba ta un free enterprise, pero ta bon pa e consumido pone bon atencion, pa no cumpra cosnan cu despues no lamenta. TIn hopi producto di mal calidad ariba mercado, cu ta bringa pa prijs pero e calidad ta inferior.
Pa importacion di producto, tin reglanan pa cierto productonan. TIn productonan cu, door di free entreprise lo bo keda haya nan. Ta e consumidor mester ta alerta. Na otro paisnan bo ta haya e consumentenbond. Y na Aruba no tin esey. Y door di esey e productonan di calidad inferior ta keda drenta. Y no tin control, ya cu gobierno a scoge pa free entrerprise. Pero si algo pasa cu un di e productonan di marcanan desconoci, ken ta para responsabel si algo pasa cu e productonan aki.
E marca cu e Comision di Importadonan ta representa, algo pasa nan ta para responsabel pa nan. Pero aworaki no tin control mas. P’esey e comision ta pidi pa ta atento ora di cumpra cierto productonan, paso cu mañan por ta laat.
Na otro paisnan di mundo, bo ta obliga di registra si bo ta importa un marca pa e pais. AKi na Aruba esey no ta e caso. E comision sa di nan marcanan, y nan ta representante oficial, y si algo pasa, nan ta carga nan responsabilidad. E consumidor por ta trankil cu nan ta para 100% pa nan producto.
Na otro paisnan na mundo ta existi leynan caminda ta registra ken ta importa y kico nan ta importa. Un consumido lo kier sa ken ta representa ken ta representa cual producto. No por ta asina cu si algo pasa, niun hende no ta para resposnabel.
Segun Sr. Dirks, mester bin cu cambio di ley. Cu si ta importa un producto, ta para responsabel p’e. Nan a purba pa yega na cambionan di ley, y nan no ta haya oido. Tin mas factor cu ta hunga un rol, cu ta e siguridad di e consumido.
No laga prijs gaña wowo di e consumido. Ora di importa, bo mester para responsabel tambe pa e producto, segun Sr. Hubert Dirks, di e Comsion di Importadonan.