FORT WORTH, Texas – Un dama indocumenta cu tabata wardando pa e wordo someti na un operacion di celebro a wordo removi for di un hospital di Texas como parti di e operativo anti migrante cu ta wordo realisa na Merca, tras e ingreso di Donald Trump na e presidencia.
E martirio di Sara Beltran Hernandez a yega te na New York, unda varios di su famianan ta biba.
Melissa Zuniga, vocero di e famia, a bisa NY Daily News, cu Beltran Hernandez a wordo deteni despues cu el a drenta New York for di El Salvador, sin e documentacion rekeri.
E muhe a keda den e centro di detencion Prairieland desde su aresto. Su famianan – residentenan na Queens – tabata solicitando cu e pais brind’e asilo.
Segun Zuniga a relata, agentenan di e Servicio di Imigracion y Aduana (ICE), a saca e Salvadoreño diaranson for di Hugley Hospital na Fort Worth.
E complicacionnan di e muhe pa un tumor celebran a wordo registra na principio di e luna aki. Beltran a bin ta kehando di dolornan di cabes severo, perdida di memoria y sangramento di nanishi.
E Hispano tabata riba un lista di espera pa e cirugia te cu poco prome cu ICE a interveni.
“Nan tabata tin’e geboei na man y na enkel,” e pariente a describi. “El a wordo saca den un rolstoel y e no a haya tratamento apesar cu su nanishi tabata sigui sangra y e tabata bisando cu su cabes tabata pa bay explota.”
Dani Bennet, vocero di ICE, a confirma e traslado di e pashent dia 22 di Februari y su ingreso den e centro di detencion. Sin embargo, el a rechasa cu no ta ofreciend’e e trato adecuado.
“Manera tur e detenidonan bao di nos cuidado, sra. Belran ta sigui ricibi atencion medico di emergencia 24 ora pa dia y cualkier tratamento specialisa pafo di nos instalacionnan,” el a plantea.
El a agrega: ICE ta tuma hopi na serio salud, siguridad y bienestar di esnan cu ta na nos encargo.”
Fuente: http://www.sinembargo.mx