Diaranson 11 di Januari, durante un control den Bernhardstraat dilanti di ex- Greenhill Supermarket, polisnan a duna un auto di marca Hyundai modelo Matrix color preto señal pa para.
Na momento cu e auto a para, e pasahero di patras a actua di manera sospechoso y a habri e porta di chauffeur di bandi patras.
Durante control e ocupantenan di e auto tabata papia Spaño cu otro y nan no por a presenta niun prueba di nan estadia legal na Aruba.
En cuadro di esaki e cuater hombernan a wordo deteni riba sospecho di violacion di Ley di Toelating en Uitzetting (LTU) y a wordo entrega na Guarda nos Costa.