CALI, Colombia – Den un carta manda pa e directora di e Instituto Colombiano de Bienestar Familiar (ICBF), Cristina Plazas, kende a recrimina e accionnan di e pastoor cu el a abusa di menornan na Cali, Cardinal Ruben Salazar Gomez a tuma distancia di e declaracionnan y a reconoce e responsabilidad di iglesia den e caso aki.
Cardinal Ruben Salazar Gomez a acepta e responsabilidad di Iglesia, pues e delitonan cu a wordo cometi den e caso di abuso di e menornan a wordo realisa pa personanan cu tabata tin nan na nan encargo.
“Pesey nos ta reconoce cu nos ta responsabel dilanti nan mayornan di brinda tur e condicionnan posibel pa nos institucionnan ta un hogar sigur pa nan yiu y nietonan,” e Arzobispo di Bogoda y primado di Colombia agrega tambe, citando palabranan di Papa Francisco dirigi na tur e obisponan di mundo.
Pa e rason aki iglesia ta pone como tarea di “cero tolerancia” dilanti e pedofilia di e pastoornan, cu e seleccion exhausitvo den e seminarionan di e pais y e procesonan canonico y huridico di abusadornan di menor.
Di e mesun manera, e cardinal ta bisa den e carta na e directora di ICBF cu ta comparti e apremiante necesidad di no omiti esfuerso pa denuncia e abuso sexual como un delito atros na humanidad,”vooral den tur momento cu violencia sexual contra mucha a aumenta un 49.2% den 2016 den e ciudad di Bogota.”
Fuente: RCN Noticias