PROVO, Utah – Agentenan di e Oficina di Imigracion y Douane (ICE), a aresta y a cuminsa cu e proceso di deportacion di Jesus Guitron-Aguilera, di 56 aña di edad, un Mexicano cu tabata riba e lista di e 10nan mas busca pa e dependencia aki.
E suheto, kende ta wordo rekeri pa autoridad, acusa di varios delito sexual, a wordo deteni na Provo, Utah, ICE a informa den un comunicado.
Desde 2010, e homber tabata riba e lista, pero su captura no tabata por a wordo logra te cu dia 26 di September
E historia criminal di Guitron-Aguilera ta inclui “condena pa conducta sexual delictivo, asalto cu e intencion di comete penetracio sexual, mescos cu otro cuater delitonan menor, incluyendo dos pa conduci bao di influencia di substancia.”
A informa cu dia 13 di Juli, 1992, e di ocho circuido hudicial di Michigan a sentencia e homber, kende e tempo ey a wordo condena na cinco aña di prizon. “Guitron-Aguilera tabata un menasa claro pa e siguridad di nos comunidad y cu su detencion nos ta mandando un mensahe cla na e stranheronan indocumenta cu ta comete crimen na Merca: no ta un refugio sigur pa boso,” e responsabel di e oficina di deportacion (ERO), Robert M. Culley, a bisa.
ICE tambe a señala cu dia 26 di September di 2008, un hues federal di imigracion a ordena e expulsion di e pais di Guitron-Aguilera, kende a apela e determinacion, pero a wordo desestima dia 10 di Augustus, 2010.
E homber ta tactico, ya cu dia 9 di Juni, 2014, el a wordo mira ta stuur un Corvette cora y a wordo deteni pa agentenan di ERO, pero a logra scapa te cu el a wordo captura casi tres aña despues.
Fuente: www.laopinion.com