Iboprufen tin un impacto negativo den e testiculonan di e homber hoben, según un estudio publica dialuna den e revista Proceedings di National Academy of Science. Ora cu bebe Iboprufen de dosis normalmente uza pa atletanan, un grupo chikito di hombernnan hoben a desaroya un condicion hormonal cu generalmente ta cuminsa, si e cuminsa, durante e edad medio. E condicion aki ta relaciona cu un fertilidad reduci.
Advil y Motrin ta dos marca comercial di Iboprufen, un calmante di benta liber, di e companianan Pfizer y Johnson & Johnson.
E investigacion aki ta un desaroyo di e investigacion cu a cuminsa cu hende muhenan na estado, segun Bernard Jegou, co autor y director di e Instituto di Investigacion pa e Salud Ambiental y Ocupacional na Francia, a splica.
Jégou, hunto cu un ekipo di investigacion Frances y Danes, a explora e efectonan cu a bebe cualkier di e tres calmantenan leve cu ta wordo haya tur caminda: aspirin, acetaminofen (conocido tambe como paracetamol y bendi bou di e marca di Tylenol) y Iboprufen.
Su experimentonan anterior publica den varios articulo, a mustra cu ora cu ta bebe un di e calmantenan aki, nan ta afecta e testiculonan di e baby mucha homber.
E testiculo no solamente ta produci sperma, pero tambe testorone, e principal hormoon masculino.
Incluso, e tres medicamentonan aki a aumenta e probablidad di cu e babynan mucha homber ta nace cu malformacion congenito. Di otro banda, dokternan ta recomenda pa muhenan na estado of cu ta duna pecho, semper mester consulta un dokter prome cu e tuma cualkier remedi.
Door cu e ta un remedi antiinflamatorio, no steroide, Iboprufen ta wordo bebi door di atletanan, incluyendo deportistanan Olimpico y hungadonan di futbol profesional, prome cu un wega pa preveni dolor.
Den un estudio realisa cu hombernan di entre 17 cu 34 aña, durante 14 dia, e hormonanan lutenizante, cu ta stimula e testiculo pa produci testorone, a coordina e nivel di iboprufen cu a circula den nan sanger den e periodo ey. Simultaneamente, e proporcion di testorone compara cu e hormoon luteinizante a baha, loke ta representa un señal di testiculonan disfuncional.
A pesar di cu un investigacion nobo ta indica cu Iboprufen ta causa daño na e hormoonnan reproductivo den hombernan hoben y sano, tin posibilidad di cu e tin un efecto negativo mas grandi den hende homber cu fertilidad abao.