Den un conferencia di prensa yama a Ibisa Sr. Wiliam Erasmus a splica mas di nan ultimo evento pa 2017 cu ta e Aquathlon organisa pa e scolnan.
Ibisa lo organisa e Aquathlon y e Betico Loop. Nan ta dos evento hopi importante pa nan, pasobra cu un ta cera e calender di schoolsport y e ultimo evento di Ibisa pa aña 2017. Y e otro ta habri e calender di actividadnan.
E Aquathlon ta pa tur scol na Aruba y e ta tuma luga na Nikky Beach dia 9 di December. Inscripcion ya caba ta habri. Si bay ariba Facebook di Ibisa, eyriba por haya un link special cu ta bay pa e website caminda cu por registra online. Esaki ta un sistema nobo cu ta wordo introduci pa schoolsport. Riba e website ta haya mas informacion di e actividad aki.
Den categorianan di team A,B, C y D ta pa muchanan y meneernan di scol si nan kier participa. Loke ta hopi importante ta e categoria di 1km, core 100 m, landra y 1 km core por wordo gemixed den diferente scol. Dus si tin mucha di diferente scol cu kier participa cu otro. Ta cu e categoria aki so, por inscribi pa esaki. Riba e pagina di inscripcion por yena e datonan di e muchananan. Pero mester pone nomber di un adulto pa por ta responsabel pa e muchanan.
Sr. Erasmus a sigui splica cu ta trata di muchanan di scol basico, for di eerste klas por inscribi y bay ariba te scolnan secundario, universidad, scol di polis. Tin scol di Brandweer cu tambe ta participa y tambe e docentenan tambe por participa.
E ultimo dia pa inscribi na Ibisa mes ta dia 6 di December.