BUENOS AIRES, Argetina – E hues Argentino Maria Romilda Servini de Cubria a rechasa e denuncia cu e expresidente Cristina Fernandez (2007-2015) a haci contra e diputado di centroizquierda Margarita Stolbizer, y e magistrado Claudio Bonadio, pa supuesto trafico di informacion, fuentenan di e caso a confirma diaranson.
E exmandatario Argentino a acusa Bonadio, hues federal cu ta investiga presunto iregularidadnan den un di e firmanan participa p’e, di filtra informacion na Stolbizer. Segun Fernandez, e datonan aki a wordo uza pa e diputado pa un denuncia pa presunto movimientonan sospechoso riba e cuentanan bancario di e famia Kirchner.
“Si cada biaha unp ersona ta wordo denuncia, imputa, procesa o condena, mester a sospecha un makinacion den su contra, nos lo a haya sa den un tereno caminda cu tin cu sospecha di tur acto cu ta desprende di autoridadnan publico, actonan cu ta gosa di presuncion di legitimidad,” Servini a considera, segun e website Infobae ta publica.
Stolbizer, excandidato na e Presidencia Argentino, den e eleccionnan di aña pasa, a denuncia Fernandez pa presunto iregularidadnan den e casonan di Hotesur y Los Sauces, dos empresa participa pa e exmandatario.
En tanto, Bonadio, kende a wordo aparta di e ausa Hotesur, tin na su cargo e investigacion pa Los Sauces y a procesa Fernandez pa iregularidadnan den e contractonan di futuro di dollar celebra pa e Banco Central Argentino durante e ultimo parti di e di dos mandato di e expresidente.
Fuente: NTN24