Un analisis demografico global a publica den Nature, ta sugeri cu ta existi un limite maximo neutral pa bida humano, fiha den 125 aña, cu dificilmente por wordo supera.
E speransa di bida di e especie humano a incrementa regularmente den mayoria di e paisnan durante 150 aña, si ta bon, e progreso aki a tranca rond di e decada di 1980, loke a yega na investigadornan na explora e posibilidad di establece un frontera di edad infrankeabel.
Un ekipo lidera pa Jan Vig, di e scol di medicina Albert Einstein di New York (Merca), a uza pa su estudio e Base di Dato di Mortalidad Humano (HMD) poni den marca na 2002 pa e Universidad di California y e Instituto Max Planck pa Investigacion Demografico.
Vig y su grupo determina desde e datonan aki cu e sernan humano cu a yega na un edad mas avansa ta cada biaha mayor den e ultimo decada, si ta bon e edad eynan ta cada biaha menor desde 30 aña pasa.
E Frances, Jeanne Calment, cu a fayece na 1997 cu 122 aña, ta e persona cu mas a biba te cu awo y e cientificonan ta kere cu ta hopi improbabel cu su record a wordo supera.
“Nos datonan ta sugeri di manera solido cu ta e speransa di bida ta limita” di forma natural, a afirma e investigadornan.
Fuente: http://www.latercera.com/