Huma por aumenta e sensibilidad cu stress, segun un estudio cu a tuma luga riba ratonnan pa e Centro Nacional di Investigacion Cientifico (CNRS) di Francia y publica diamars den e revista cientifico “Molecular Psychiatry.”
Contrariamente e idea popular cu a bisa cu consumi tabaco tin un efecto relahante y cu falta di nicotina ta produci stress, e exposicion na e molecula adictivo por produci e efecto inverso, autornan di e investigacion a afirma den un comunicado.
Cientificonan a evalua e nivelnan di stress social den e ratonnan, un situacion cu ta tuma luga ora cu “un di e animalnan ta wordo someti na agresionnan ripiti di su congennan dominante.”
Na algun di e ratonnan a blokia e receptornan di nicotina, mientras cu riba e otronan a activa esakinan.
Danki na e evaluacion di su comportamento y e parametronan electrofisiologico di e celebro, e expertonan di CNRS a establece cu no a duna señal di stress social ora cu e receptornan ta blokia, pero cu den e caso contrario, a wordo amplifica.
“E investigadornan tambe por a constata cu un raon exponi na un solo agresion pa un di su congennan presenta señal solamente si a wordo exponi previamente na nicotina,” e estudio ta indica.
Aunke e trabao aki ta wordo centra den con e receptornan nicotinico ta afecta e control di e stress den e ratonnan, CNRS a anuncia cu cientificonan a investiga si por generalisa na tur e transtornonan di e estado di animo y si e resultadonan ta aplicabel na e ser humano.
Fuente: www.elespectador.com