Huma di sigaria electronico ta causa cancer

0
RBC Juli 2018
Funmiles-2018

E nicotina di e sigaria electronico lo comberti su mes den un sustancia kimico, dañino pa DNA di un persona. Esaki ta segun un prueba haci cu ratonnan. Cientificonan a studia e efecto di e vapor di e sigaria electronico den ratonnan saludabel y celnan humano. A yega na e conclusion cu esaki por aumenta e risico di sufri cierto tipo di cancer, como tambe malesanan cu ta afecta e curason. Investigadonan a descubri cu e nicotina inhala genera pa e sigarinan electronico por daña e DNA den e curason, e pulmon y e blaas, ademas di debilita e mecanismonan di reparacion genetico di e curpa.

E grupo di cientifico lidera pa Moon-shong Tang, profesor di Medicina Ambiental na  Universidad di New York, a bisa cu e cambionan den DNA lo ta similar na esunnan relaciona cu e humamento pasivo. El a agrega cu mester di miho investigacion pa sa si realmente e huma di e sigarianan electronico por aumenta e indice di cancer. “Resultadonan por tarda añanna largo ya cu cancer ta un proceso hopi slow”, e profesor a splica.

Mientras cu algun investigador ta señala cu e trabao ta importante, otronan ta sigura cu e resultadonan ta irrelevante pa e ser humano. E criticonan a argumenta cu ratonan tabata exponi na nivelnan halto di e vapor di e sigaria electronico y e efectonan por ta hopi diferente den personanan cu ta inhala nicotina di e manera ey. “E estudio no ta mustra nada riba e peliger di e huma di e sigaria electronico”, según Peter Hajek, director di e Unidad di Investigacion di e Dependencia di Tabaco di e Universidad Queen Mary na Londres. “E no ta mustra cu e sigaria electronico ta duna cancer”, Hajek a agrega.

No ta prome biaha cu expertonan ta adverti ariba e risiconan di cancer cu e sigaria electroniconan aki ta uza. Na 2014, un grupo di investigadonan Japones a alerta di cu e huma di e algun di e sigarianan electronico ta contene sustancianan cu ta duna cancer.

Fuente: http://www.foxnews.com

 

Comments

comments

C: Heineken
new india
dvg