Diahuebs anochi laat trahadornan di McDonald’s Palm Beach a bati alarma na central di polis cu lo mester tin huma ta sali for di den dak. Mesora central di polis a manda dos patruya pa e sitio y tambe a notifica brandweer cu tambe a manda un unidad pa e sitio. Na yegada di e patruyanan nan a cuminsa manda e trahadornan bay para pafo pa nan mesun seguridad y tambe pa laga e lugar liber pa asina cu brandweer yega nan cuminsa inspecciona e lugar.
Na yegada di brandweer e trahadornan a conta cu esunnan trahando den cushina a mira mane un flash y despues hopi huma a cuminsa sali for di e dak. Cu herment special personal di brandweer a drenta paden y asina controla e lugar y tambe den plafond pa wak si por tin candela den plafond. Despues di inspecciona ful e lugar brandweer a constata cu ta un blower lo a kima y esei a saca basta huma pero no tawata tin candela. E trahadornan por a regresa paden bek pa asina caba di sera e lugar. Polis a tuma dato.