Omar Harms kende ta coordinador di e Hulpbestuurskantoornan a comenta cu e oficinanan di Gobierno lo cera pa haci cambionan cu mester pa drecha e servicionan.
Esaki lo ta cera entrante 30 di November, te cu 6 di December. Nan lo habri bek dia 7 di December. Motibo di esaki ta cu a cumpra servernan di computer, cosnan cu tin di haber cu ICT di e infrastructura tecnico, pa asina cambia locual cu tin. E HBKnan tin varios aña ta draai riba server y computernan bieu, pa cual tabata tende cu sistema ta down, computer a crash, cosnan asina cu tabata tin su consecuencianan. E ta un proyecto cu a cuminsa mas of menos 2 aña pasa. E no ta facil pa cumpra un computer nobo, pero a hacie en cooperacion cu Censo y a dicidi pa cay pa e parti di ICT bao di Censo busca tur aparato nobo pa por brinda un miho servicio.
Esaki ta conta pa e HBKnan cu ta den Noord y Paradera, pero tambe e tresnan cu ta riba nan mes ainda cu ta Santa Cruz, Savaneta y San Nicolas.
Ta look forward pa esaki mirando cu tin cu cera tanto dia. Pa e dianan aki ta pidi comprension y pa e luna aki bay paga cuenta na Setar mes na WEB of Elmar of na Banco y entrante 7 di December ta habri bek y e ora si tur cos ta bon, e fenomeno di computer ta pega of down, mester ta tras di lomba.