Hulanda ta sigui e desaroyonan na Venezuela hopi di cerca

0

E shelfnan di e supermarketnan na Aruba, Bonaire y Corsou ta birando bashi. Desde cu e presidente Venezolano, Nicolas Maduro a cera e fronteranan cu Caribe Hulandes pa 72 hora, stock di productonan fresco ta birando bashi. Di baina ta haya fruta y berdura.
Militarnan Hulandes ariba e islanan ta riba un alerta. “E desaroyonan ta wordo sigui hopi di cerca”, segun un vocero di e ministerio di Defensa a bisa. “Si tin cualkier indicio di algo, e ora Warda Costa lo patruya mas”. Riba e islanan tin mas o menos 500 militar Hulandes stationa. No tin extra personal na caminda, segun ministerio di defensa.
Un biaha mas tin tension entre Venezuela y Hulanda. Na 2014 e pais Suramericano a manda barconan di guerra pa Aruba, despues cu un Venezolano di rango halto a wordo aresta. Prome Minister Rutte a logra preveni un conflicto militar. Incluso awo, funcionarionan di di Ministerio di Relacion Exterior na Den Haag ta den un estado supremo di preparacion.
“Mi mester defende e interesnan di Venezuela”, segun Maduro a declara diasabra ora cu el a cera e fronteranan aereo y maritimo. Su pais ta pasando den un crisis economico profundo. Segun e president producto y cuminda ta wordo saca di contrabanda pa e islanan, pa cual ta keda masha poco pa e Venezolanonan.
Maduro y su predecesor Chavez a hinca Venezuela den un miseria economico. Awo president Maduro ta purba di desvia atencion door di culpa e islanan Hulandes. Pero e idea cu e islanan chikito aki lo por tin asina un impacto economico grandi, no tin sentido.
Toch Maduro a cera e area maritimo y aereo pa 72 hora. Maduro ta manera un pushi den perta. Pa decadanan caba Venezuela ta reclama derecho ariba e islanan ABC. Maduro y su conseheronan, lo tuma un decision racional, cual ta di mantene paz. Hopi biaha Venezuela a bisa cu e islanan no ta di Hulanda, pero tur hende sa cu e habitantenan di e islanan aki ta prefera di keda bou di Hulanda, y no bou Venezuela.
Hulanda ta prefera di soluciona e problema aki cu diplomacia. E Ministerio di Relacionnan Exterior a pidi Venezuela pa un ‘splicacion’ pa de decision di cera e fronteranan.
Secretario di Estado Raymond Knops (CDA) di Asuntonan di Reino na e momentonan aki lo ta sinta ariba un webo. E siman aki, pa casualidad, e ta riba un bishita di trabao na e islanan ABC. E no kier bay ariba e preguntanan tocante e situacion di Venezuela. Ta na beneficio di Hulanda pa yega na un areglo diplomatico cu Venezuela.

Comments

comments