Tokyo, HAPON — Cuatro aña pasa Hulanda tabata e gran sorpresa di World Baseball Classic. E biaha aki, e Hulandesnan ta un poder ofensivo, purbando di sigura un puesto pa e semi- finalnan.
Hulanda a dal un stap mas cerca ganando Israel 12-2 den e Tokyo Dome, derotando tambe e ekipo sorpresa di WBC 2017 nan prome derota den e torneo. E wega ta caba den di 8 inning, door cu segun regla, si tin diferencia di 10 careda despues di 7 inning, e wega ta termina. Didi Gregorius di New York Yankees a bati di dobel, un homerun y a empuha cinco careda. Asina tambe Hulanda su serie ta empata na 1-1, cu un wega gana, y uno perdi.
Israel tambe ta di 1-1, esaki kiermen cu e dos ekiponan cu lo avansa pa e semi- final pa loke ta trata Pool E ainda no ta dicidi. Mester warda e doubleheader di diaranson.
Israel lo mester gana di Japon ora cu nan ta enfrenta e ekipo di cas, pa asina nan mehora nan sigura un puesto pa semi- final. Hulanda lo hunga su ultimo wega di semi- final contra di Cuba.
Jurickson Profar a tira un tremendo wega, pero siguiendo reglanan di World Baseball Classic, e ta wordo saca den di 7 inning momento cu el a pasa 71 pitcheo.
Pitcher Team Kingdom Netherlands
Jair Jurrjens (6): 5-0-5-1
Juan Carlos Sulbaran (2/3): 0-0-3-0
Jim Ploeger (2/3): 1-0-0-0
Orlando Yntema (2/3): 1-0-0-0
Pitcher Israël
Corey Baker (2): 0-2-3-0
Jeremy Bleich (1): 1-0-3-0
Danny Burawa (1): 0-1-3-0
Jared Lakind (1): 1-1-2-0
Alex Katz (1): 0-1-0-0
Tyler Herron (1): 1-0-1-0
Jake Kalish (2/3): 0-0-2-0
Troy Neiman (1/3): 1-1-1-0