AMSTERDAM, Hulanda- E ekipo Hulandes diabierna a haci nan esfuerso pa ta den e lucha pa un cualificacion pa Copa Mundial. E ekipo, un biaha mas bou di direccion tecnico di Dick Advocaat a gana di Luxemburg 5-0. Su rival Sueca a gana Francia den extra tempo.
Door di golnan di Arjen Robben y Wesley Sneijder, Oranje ya na half time tabata ariba 2-0. Den e di dos tempo Georginio Wijnaldum, suplente Quincy Promes y Vincent Janssen (penalty) ta habri e score for di otro.
E triunfo aki a pone cu Oranje ta subi for di e di cuater luga pa e di tres luga den grupo A. Hulanda, despues di seis ronda hunga, 10 punto, ta pasa Bulgaria (nuebe punto), cu a perde di Bielorusia 2-1.
Door di un gol den e di ultimo minuut di Ola Toivonene, ex- hungado di PSV, esey no ta trece Copa Mundial mas cerca pa Hulanda. E triunfo di 2-1 di Suecia ta pone cu Suecia tin tres punto mas cu Hulanda. Francia tambe ta para ariba 13 punto.
Despues di e reces di verano, ainda ta resta cuater wega mas den grupo A. Hulanda ta hunga contra di Francia, dia 31 di Augustus y Bielorusia dia 7 di Oktober. Dia 3 di September nan lo hunga na cas, contra di Bulgaria y contra Suecia dia 10 di October.
E ganadonan di e gruponan lo sigura nan pase final pa e Copa Mundial otro aña na Rusia.