Hulanda lo yuda Aruba den caso di desaster natural

0
RBC Juli 2018
Funmiles-2018

Algun departamento di Hulanda lo caba di bishita Aruba cu e intencion pa revisa e crisis plannan cu tin pa wak con por traha den caso cu ta bay surpasa e capacidad di pais Aruba. Director di Departamento di Calamidad, Sr. Rino Hermans, ta splica mas ariba esaki.

Siman pasa e bishita a tuma luga pa wak con ta bay traha cu otro riba lo cual ta sosode normalmente pero kier revisa e aña aki door di e experiencia cu tabata tin aña pasa cu e horcan Irma ora asistencia a wordo pidi.

Tabata tin mester di dominio riba e parti tecnico pa haci e plannan operacional y pa esaki tabata tin e bishita di algun departamento y Ministerio di Hulanda na Aruba, caminda cu e puntonan cu ta bay wordo atende ta riba e maneho di un miho comunicacion pasobra tin biaha tabata tin diferencianan y awor tur ta papiando e mesun lenguahe y bayendo den e mesun cuadro di ideanan.

Den caso cu mester pidi asistencia pa Hulanda departamento di calamidad di Aruba sa kico por spera y a nan sa tambe kico por tin mester na Aruba. Toch ta keda prepara den e region Caribe cu Corsou cu tin e base operacional y Aruba cu e Mariniers na Savaneta. Defensa tin nan parti interno cu no ta laga los, pero pa nan tambe ta interesante kico por ta e asistencia cu departamento di calamidad por tin mester pa nan por prepara nan parti logistico.

Tin un bon relacion entre tur e Dienstnan y tur ta conoce otro, riba kico tin, kico nan mester y ki ayudo Aruba por pidi externamente. Mester wak e parti logistica pa ubica tur hende, unda nan ta keda y come, entre otro. Mester tin tur esaki netjes riba papel den caso anto y tur hende mester por tin conocemento di esaki, y a toch e punto pa bin cu un punto central de acopio depende di e situacion cu por a presenta tambe.

Comments

comments

C: Heineken
new india
dvg