DEN HAAG, Hulanda – Hulanda ta premira construi na final di 2017 e prome caminda fabrica di plastick recicla como alternativa mas sostenibel na camindanan tradicional di asfalt.
Un acuerdo firma pa e empresanan VolkerWessels, subsidiario di KWS y Total, lo permiti realisa e construccion “di camindanan cu un marca ecologico mas chikito cu e sistemanan di caminda tradicional,” un di e inventornan di e propuesta innovador, Anne Koudstaal, a splica.
E concepto di e caminda di plastick, presenta pa prome biaha na 2015 y crea pa Koudstaal y Simon Jorritsma, ta consisti den e construccion di modulonan lihe a partir di e reciclahe di residuonan di plastick,
Cu e interior di e modulonan bashi, e structuranan por wordo ekipa cu kabel y tubonan di plastick y permiti e drenahe dilanti e exceso di awa.
Simulando e famoso wega di Lego, e sistema di instalacion di pas den otro lo permiti uni e diferente modulonan prefabrica riba presion, dunando e luga na un construccion mas rapido, simpel y cu ta evita un 85% di emisionnan di CO2.
“Nos ta spaar un 85% den transporte loke ta nifica un 85% menos di emision, ademas e tipo di modulonan aki ta rekeri menos ekipo pisa pa su construccion, sumando e hecho cu e material uza lo ta di plastick recicla cu lo bolbe pone den circulacion,” e ingeniero civil a splica.
Plastick ta un material mas sostenible y cu un bida util mas largo cu asfalt, segun e experto ta splica, pero ademas e hecho di uza materialnan prefabrica lo posibilita cu e tipo di camindanan aki lo ta mas duradero cu esunnan tradicional.
Koudstaal tambe a remarca cu “ora cu materialnan uza ta cumpli cu su funcion y finalisa su ciclo di bida por wordo recicla di nobo, loke ta contribui na un economia circular y un medio ambiente mas limpi.”
Rotterdam por ta un di e prome ciudadnan na mundo den tin e tipo di material den su cayanan, no obstante , “hopi ciudad na Hulanda ta realmente interesa den e tipo di construccion aki,” Koudstaal a aclarea.
“Na e momentonan aki ainda no a dicidi den cual ciudad lo traha e prome proyecto piloto, pero nos sa cu e prome caminda di plastick lo wordo traha na Hulanda, e lo ta pa bicicleta y lo bay tin aproximadamente entre 50 y 100 meter di largo.”
E aplicacion di e tipo di material aki y e sistema di construccion no solamente ta adecua pa caminda y di momento ta premira realisa otro tipologia como ‘terenonan pa festival, camponan di refugiado y fundeshi pa cas,” entre otro.
Un di e construccion cu ta tene na cuenta e medio ambiente y sostenibilidad y cu “ta haci posibel un miho futuro pa nos yiunan,” el a destaca, aspectonan clave cu loke ta spera marca un diferencia frente na sistemanan antiguo y tradicional di construccion.
“E desperdicio di plastick cu e ta wordo genera ta enorme y camindanan plastick lo yuda na un reduccion significativo di e hecho aki, un gran problema den actualidad,” Koudstaal a sigura.
Segun e hoben ingeniero aki, ta trata di un proyecto urbano cu lo habri caminda pa un manera nobo di construi pa e “minimalisacion di emision, mayor siguridad, sostenibilidad, pasobra e ta mas barata, duradero, cu tin mester di menos mantenimento, su instalacion ta mas rapido y e reparacionnan ta mas simpel, ademas di tin multiple funcion.”
Un propuesta novedoso di camindanan sostenibel cu, si cumpli cu tur rekisito di asfalt tradicional, por yuda na resolve hopi di e problemanan di contaminacion y na desaroya ciudadnan mas responsabel cu medio ambiente.
Fuente: RCN Noticias