DEN HAAG, Hulanda – Hulanda kier pa e centralnan nuclear Belga wordo cera, te ora cu ta sigur pa loke ta siguridad di e reactornan. For di un investigacion a bin sali na cla cu un candela den e central Tihange, por resulta hopi peligroso.
Den e investigacion cu a sali na cla, durante un candela, tin hopi chens cu por tin un “meltdown”. Door di esey hopi material radioactivo por bay den aire.
Segun minister Schultz di Medio Ambiente, e ta cla cu e investigacion a wordo ehecuta escandalosamente malo. Toch e minister kier pa e centralnan wordo cera na tempo pa asina sa sigur cu tur cos ta bon pa loke ta siguridad di candela. E minister Belga, Jan Jambon di Asuntonan Interior a laga sa cu e no kier esey.
Preocupacion riba reactornan Belga
Den e area fronteriso aki tin hopi preocupacion riba e centralnan aki. Durante e ultimo añanan tin varios incidente cu a tuma luga, manera e aparicion di kraaknan chikito den e columnanan di reactor. Schultz ta tuma e preocupacionnan aki hopi na serio, el a bisa den Tweede kamer. El a mustra cu despues di cada incidente, e ta tuma contacto cu Jambon, cu e comunicacion cu e region fronteriso a mehora y cu e supervisor nuclear Hulandes tambe ta cana hunto durante inspeccionnan den e centralnan Belga.
Tambe den Tweede Kamer tin hopi preocupacion riba centralnan Belga. Un mayoria a pidi pa Schultz den Juni, pa e uni den un peticion di Alemania y Luxemburgo pa por cera e centralnan Belga. Schultz a laga sa cu el a comunica e deseo aki di Tweede Kamer den un dialogo cu su colega Belga.
Fuente: RTL Nieuws