DEN HAAG, Hulanda – E partidonan politico Hulandes ta prepara diahuebs pa cuminsa cu loke ta spera un negociacion largo pa forma un coalicion di Gobierno. E partido links VVD, di e prome minister Mark Rutty, a logra un victoria electoral comodo, desafiando e encuesta cu ta sugeri un bataya pareu cu e populista antiislam Geert Wilders.
Durante e madruga di diahuebs, cu mayoria di e votonan reconta, VVD di Rutte, lo ocupa 33 di e 150 asientonan di e legislatura, ocho menos cu na 2012. E formacion di Wilders, ultralins PVV, ta e di dos cu 20 parlamentario, un resultado decepcionante apesar cu ta cinco mas compara cu e ultimo eleccionnan. E encuestanan ta sugeri cu por converti den e opcion mas vota pa e Hulandesnan. “Nos a perde ocho asiento, pero nos ta hopi contento di bolbe ta e partido mas grandi,” Rutte a bisa den un declaracion na NPO Radio 1.
Wilders, di su parti, no a perde su caracteristica full desafiante. “Nos tabata e di tres partido na Hulanda. Awo nos ta e di dos partido na Hulanda. Y e proximo biaha nos lo ta prome!” el a tweet.
CDA y D66 – posibel socionan di coalicion pa Rutte – lo logra 19 representante cada un. Ta spera cu e candidatonan lo reuni den e prome oranan di atardi pa dicidi e prome pasonan den e proceso di formacion di e coalicion. Rutte a adverti cu e proceso por tarda.
“Nos tabata tin un campaña duro, cu intercambio di reproche,” el a bisa. “Nos mester di tempo pa henter mundo recupera e animo di cooperacion y esey no ta sosode den algun hora.”
Fuente: Associated Press