Hulanda ta formando un infield yena cu streanan pa e Clasico Mundial di Baseball 2017. Tanto Xander Boagerts di Boston Red Sox, Andrelton Simmons di Anaheim Angels, Didi Gregorius di New York Yankees, Jonathan Schoop di Baltimore Orioles y Jurickson Profar di Texas probablemente lo hunga pa e ekipo Hulandes.
E coleccion di talento lo por duna e pais un oportunidad di probecha su racha impresionante den e ultimo clasico na 2013, ora cu e ekipo Hulandes a yega semi- final, prome cu el a cay venci contra di Republica Dominicana cu a gana e torneo e aña ey. Boagerts, Simmons, Schoop y Profar tur a hunga den e ekipo di 2013.
Hulana lo habri e clasico den Pool A dia 7 di Maart, contra di Zuid- Korea den e Gocheok Sky Dome na Seoul. Su siguiente weganan lo ta contra Taipei y Israel.
E unico Big Leaguer ausente lo ta e closer di Los Angeles Dodgers, Kenley Jansen. E cuadro Hulandes toch lo por mustra di ta un di e miho nan di e Clasico Mundial di Baseball.
Bogaerts a sobresali pa Red Sox den e ultimo dos temporadanan aki, ganando e American League Silver Slugger na Shortstop pa di dos aña consecutivo. Na 2016, e hoben di 24 aña a gana un luga den su prome All Star Game y a termina e temporada cu un average di.294/.356/.446 cu 21 homerun, 89 RBIs y 13 base roba.
Simmons ta ubica su mes como un di e defensornan elite den e wega. Den e ultimo temporada, e shortstop a encabesa tur e shortstopnan cualifica di Grandes Ligas. Desde su prome temporada completo na 2013, Simmons di 27 aña ta na prome luga di e cantidad di caredanan anota cu 112.
E wega rapido di Simmons ta extende den centro te den teritorio di Max Stassi, ta bobble y despues ta lansa un tiro pa primera base pa e final di e parti ariba di e di 2 inning.
Gregorius, kende a posiciona su mes na shortstop despues di e retiro di Derek Jeter, a produci un di su miho temporadanan defensivo den 2016. Gregorius di 26 aña a bati di .276/.304/.447 cu 20 homerun y 70 RBI.
SChoop di 25 aña a hunga tur e 162 weganan pa Orioles den e ultimo temporada. E segunda base a bati di .267/.298/.454 cu’n total di 25 homerun y 82 RBI ora cu Baltimore ta gana un luga den e Wild Card spot di Liga Americano.
Progar a hunga 90 wega pa e sub- campeonan di Liga Americano Texas Rangers den 2016, mirando accion den cada posicion di infield como tambe den left field. Profar d 23 aña a bati di .239/.321/.338 cu 5 homerun y 20 RBI.