AMSTERDAM, Hulanda- Diasabra Hulanda a recorda cu 154 aña pasa, esclavitud a wordo aboli. Esaki ta sosode na Oosterpark, den e Monumento Nacional di historia di esclavitud.
Na Suriname y ex- Antiyas ta recorda cu 154 aña pasa, esclavitud a wordo aboli oficialmente.
E hecho aki tabata hopi bon concurii, unda cu tabata tin hopi hende bisti den pañanan tradicional, cu colornan fuerte, y lensonan exorbitante ariba nan cabes y tambe sjaal.
Bou di e oradonan tabata tey e autor Surafricano, Diana Ferrus, director di e
Nationaal Instituut Nederlands Slavernijverleden en Erfenis, Antoin Deul y minister Stef Blok di Siguridad y Husticia.
Den su speech Blok a bisa cu libertad, igualdad y e derecho pa biba bo mesun bida mester wordo defendi semper.
Alcalde Van der Laan tambe mester tabata un di e oradonan, pero mester a cancela pa motibo di su malesa. El a wordo reemplasa pa e concejal Simone Kukenheim.
E oradonan a desea Van der Laan pronto recuperacion y hopi forsa, cual a ser ricibi cu’n aplauso pa parti di e publico.
Despues di e ceremonia, e Keti Koti Festival a cuminsa, cual ta celebra e fin di esclavitud.
Fuente: www.nos.nl