Huez a sentencia homber 12 luna di castigo pa abuso sexual contra un menor di edad

0

Diahuebs mainta den Corte Huez a condena e homber T. pa 12 luna di castigo pa abuso sexual di un mucha muhe cu e tempo ey tabatin 14 aña. E sospechoso tabatin 26 aña e tempo ey.

Fiscal a exigi 12 luna di cual 4 condicional. E sospechoso a bisa durante e tratamento di e caso cu a tene relacion sexual tabata voluntario, hasta el a saca e victima na estado.

Huez a studia e declaracionnan di e testigonan den e caso y a bisa cu e no ta wak ningun caminda cu esaki lo tabata algo voluntario y cu nan lo tabatin un relacion manera sospechoso ta bisa.

Huez ta considera e sospechoso a haci mal uso di confiansa cu e mucha a pone den dje, un mucha debi na su poco edad di 14 aña tabata vulnerable y mester di proteccion.

E sospechoso a wordo acusa di violacion, e victima ta un adulto esaki ta algo cu a sucede na seno di trabou. Huez a considera cu e pruebanan cu mester sostene e prueba principal ( cu ta e denuncia ) no ta suficiente. P’esey Huez a dicidi cu tin insuficiente prueba legal y a declara e sospechoso liber. Fiscal tin cu wak ainda si e lo bay den apelacion.

Esaki ta hustamente illustra e gran dificultad cu zedenzaken cu ta e aspecto di e palabra di e victima contra esun di e sospechoso. Ta duro ora tin solamente e declaracion die  victima contra e sospechoso. Hopi biaha ta asina, mirando cu e cosnan aki generalmente ta sucede den scondi.