Recientemente Joe & Eleanor Heck a wordo honra como Emerald Embassadors pa e isla di Aruba. Tambe Maria Riggio a wordo honra como Embahadornan di bon boluntad.
E huespednan aki ta hopi special mes cu ta bishitando nos isla pa mas di 36 aña caba consecutivamente.
E titulo simbolico aki ta wordo presenta den nomber di Minister di Turismo como un muestra di aprecio pa e bishitante nan cu ta regresa Aruba pa 10 of 20 aña consecutivamente. Sr. Ricardo Croes di ATA a haci entrega di e certificado aki durante un ceremonia oficial na Aruba Beach Club Resort hunto cu e representante di e hotel di actividad.
Joe ta comenta cu nan no lo cambia Aruba nunca pa un otro isla, door di su beachnan blanco bunita y su hendenan amabel. Ariba e potret nan por aprecia Sr. Croes di ATA hunto cu e huespednan special y tambe Kenia di Aruba Beach Club Resort.