Hues ta aproba e compra di Time Warner door di AT&T

0

NEW YORK, Un hues federal a aproba e compra di Time Warner door di AT&T pa 85 biyon dollar.
Hues, Richard Leon, a rechasa e argumento di gobierno cu e acuerdo lo viola e ley antimonopolio y por lo tanto e por continua. E huicio tabata tin un duracion di seis siman.
Justice Department, cu ta esun cu a presenta un demanda pa blokea e compra, tin opcion di apela e decision. Segun e ordo di programacion, AT&T a bay di acuerdo di completa e adkisicion durante seis dia pa duna tempo pa por apela.
E fayo di e hues probablemente lo habri porta pa gigantenan tecnologico y di telecomunicacion pa nan por bay tras di adkisicionnan importante di medionan.
E gigantenan di telefon y cable tv, awor tin permiso pa absorba e doñonan di e.o. CNN, HBO, Warner Bros y otro.
Pero e compra aki, ta duna un compania hopi poder na un solo grupo chikito.

Fuente: https://cnnespanol.cnn.com/

Comments

comments