Hues a haya agente policial culpabel den caso Zinnia Croes

0
RBC Juli 2018
ling and sons porciento
Funmiles-2018

Diabierna a tuma luga e caso contra di e agente policial, Jadira Vriend, cu a dal e hobencita Zinnia Croes cu auto na maart 2015. Den e caso e agente a wordo haya culpabel. Hues a bay di acuerdo cu exigencia di fiscal pa 240 ora di trabao comunitario.
INVESTIGACION
E caso aki sigur a lanta hopi stof den comunidad, ya cu ta trata di un agente policial, bou di influencia di alcohol cu a pasa dal un hobencita cu auto, cu consecuencia cu e hobencita a fayece. Pero investigacion den e caso aki a laga hopi di desea. Tabata tin asina tanto fayo cu no a keda hues nada otro cu bay di acuerdo cu exigencia di fiscal cual ta 240 ora di trabou comunitario y kita su rijbewijs pa un periodo di dos aña.
PRUEBA
Den corte, hues a repasa e hechonan cu a keda presenta durante tratamento di e caso. El a mustra cu door cu polisnan no a haci e test di alcohol cu e agente Vriend, no por usa e prueba presenta cu ta mustra cu e agente tabata bou influencia di alcohol na momento di e accidente. Berdad cu e polis a supla 310 UGL cu ta mas cu e 220 maximo permiti. Pero ora cu e persona acusa, pidi un contra prueba, e mester por haye. Den e caso aki, e polis a pidi un contra prueba, pero cu polis no por a haci pasobra ‘no tabatin material pa haci e prueba’. Despues a bin resulta cu si tabata tin e material, pero otro caminda, cual no ta relevante mas toch, ya cu e no a keda ahci toch. Y sin un contra prueba, e prome prueba no ta admisibel den corte. P’esey a duna e polis vrijspraak riba e acusacion cu e tabata bou di influencia di alcohol. Tambe a declara e agente liber di e parti unda ta bisa cu el a bebe asina hopi alcohol cu e no tabata apto pa stuur. Aki tambe tabata tin fayonan, ya cu no a traha un otro procesverbaal cu por substancia esaki. Por lo tanto, aki tambe e polis ta wordo declara liber. “Polis por a haci un otro test, pone e persona cana den un liña straight etc, pero polis no a haci esey”, e huez a bisa awe mainta. Tabata tin fayonan grandi cu a tuma luga den e investigacion aki.

CULPABEL
Unda cu huez si a haya e polis culpabel, ta cu e polis a core ‘aanmerkelijk onvoorzichtig’. Aki si huez ta haya proba cu esey a sosode cu consecuencia cu e polis a dal Zinnia cu auto, cu morto como consecuencia. Huez a mustra cu e polis mester tabata mas alerta ora cu tin mucha den vecindario. “ Bo mester rem, bo no sa nunca kico nan (muchanan riba caya) por haci. E señora tabata core 70/ 80 km y no a brake ora cu e la mira e muchanan. Si bo kita pia di pedal, y no brake, e velocidad no ta baha di biaha” e huez a sigui bisa. E auto ademas tabatin glas getint. Esaki ta haci cu ora bira scur, bo no ta mira bon pafo. Y aunke cu e agente tabata na altura di esaki, toch e no a brake. El a sigui core cu’n velocidad di 70/80. Testigo a bisa cu e mucha a wak links rechts, pero e auto tabata core duro. E ponencia di e señora cu e mucha a core dilanti e persona, no ta klop” huez a sigui bisa. “ Si bo a let op, bo por a wak e actuacion di e mucha. Señora no a ni wak e cruza, pues e señora no tabata pone atencion, of ta pa motibo di e tinted glass” e huez a sigui bisa. Pa esey, huez ta haya proba cu ta e polis a causa e accidente cu resultado fatal.
CASTIGO
Pa por a determina e castigo, huez a mustra riba e seriedad di e caso, e daño irreparable na e famianan. Ademas huez a haya cu . como polis e mester tabata na altura con pa core. Pero e hues a mustra cu e mester tene cuenta cu no por proba cu e señora tabata bou di influencia. Esey ta nifica cu e castigo mester baha. A tene cuenta tambe cu e tempo cu a pasa (3 aña) y cu esey ta influencia e castigo su haltura tambe. Consecuentemente huez no ta haya e castigo pidi, irrazonable y a bay di acuerdo cu e demanda, cual ta un castigo di 240 ora di trabou comunitario, un leerstraf di 24 ora y ta kita rijbewijs pa 2 aña. Si e polis no cumpli cu e sentencia, e tin cu sinta 120 dia den prison.

Comments

comments

C: Heineken
new india
dvg