Apesar cu costo di bida ta aumentando, esey no ta aparece riba e cifranan di Centraal Bureau Statistiek. Esey ta cuestionabel, pasobra e ta mustra cu e formulanan cu ta wordo uza na CBS no ta cuadra cu e realidad cu tin den e comunidad. Mientras cu ta bay den supermercado, bo ta ripara cu bo placa no ta yega y toch e cifra ta bisa cu costo di bida no ta subiendo, segun Hubert Dirksz di FTA.
E ta keda cuestionabel y ta spera un miho claridad bin dilanti di parti di Gobierno riba esaki.
Costo di bida sigur na Aruba ta suppose di subi mas hopi, na momento cu sa e situacion, e problema di hedging, caminda cu a haci cu e coriente no por baha y tambe e asunto di gasolin cu maske cu e prijs di crudo baha, sa cu e no ta baha manera mesun facil compara cu prijs di fuel. Ta pensa cu e salario minimo no mester depende su aumento riba costo di bida. Sigur si no tin cifranan confiabel den aumento di costo di bida, mester por calcula esaki riba otro factornan. E analisisnan ey mester haya y ta kere cu e ley mester cambia pa asina ey di berdad ta duna e trahado e poder di compra cu e merece. Pasobra sa cu e bestandsminimum ta abao y asina mes cu e ta abao, di loke a wordo calcula, e salario minimo ta hopi mas abao. Pero sa cu tin gruponan di menos recurso, di menos entrada na Aruba ta pasando den momentonan hopi duro awor aki, segun presidente di FTA.