For di tempo cu a introducti BBO hopi luga na Aruba, e.o supermarketnan, luga di bende cuminda y mas ta abusando cu esaki. Tin ta cobra dimas etc. Despues cu BAZV a bin na vigor y a aumenta esaki algun aña atras tabata tin basta bruhacion. Pero pa 1 Juli 2018 a bin BAZV y esaki a bira e blunder pa e comunidad. E motibo ta cu basta lugar ta cobrando e mas cu 6 % y esaki ta keda demostra riba media social un fast food ta cobra riba 6.3 % y asina por sigui menciona. Te hasta riba corant supermarketnan chines ta cobrando 6 %.
Pa hopi aña caba pueblo ta criticando esaki, pueblo ta pidi pa Fundacion CAS bin bek despues cu Gobierno di AVP a kita esaki y laga e fundacion aki muri e economia a bira pio unda comerciantenan ta abusando cu esaki den recibo. Ta mustra cu ningun instancia di Aruba ta sali haci nan controlnan no tin ni suficiente personal na sea Belasting y departamento di Economia pa haci e controlnan aki. Un departamento di Economia DEZHI cu ta controla prijsnan di productonan cu ta cay bou canasta basico a keda laga un banda pa hopi aña pa Gobierno anterior.
Curacao control
Na Curacao mes tur luga cu ta haci uso di placa cash tin cu cumpra e mashin di cash register cerca un departamento di Gobierno unda BAB ta controla esaki. Tur cos cu un comerciante cobra un cliente di biaha BAB ta haya tur e sumanan den nan sistema y asina ta controla e entrada di e comerciante. Bo bay un luga di truck pa cumpra pan etc tambe bo ta haya un recibo y abou bo ta bira e logo di e departamento di Gobierno. Y tur recibo tin nan persoons nr, oa kende e ta autorisa, NKK nr y NKF nr y e luga su nomber etc.
Fundacion cas y control
Ta mustra cu na Aruba a yega tempo pa cuminsa cu esaki haci bin control mas serio na e comerciante wak kende ta abusa di prijs y kende ta cobrando dimas e belasting y si ta declara esaki corecto na Belasting.
Ta spera cu pronto Gobierno por lanta Fundacion Cas di cual nos fuentenan a informa nos cu e fundacion Cas ta biniendo bek cu un maneho y bestuur completamente nobo, unda lo bay bin cu campañanan pa bin cu un miho control y tambe bin cu un tip line pa pueblo por duna nan tip y keho unda nan ta sospecha cu tin abuso di prijs riba producto y cobramento dimas di belasting riba producto.