Den Haag, HULANDA- Defensa den e aña cu a transcuri a haya cerca di 60 melding di menasa y molester di parti di militarnan. Tambe tabata tin 20 keho entrega na marechaussee. E incidentenan ta trata di “intimidacion via Facebook” y “menasa di pareha di militar cu a wordo manda riba mision. Esaki ta segun cifranan di 2013 pa 2016 ricibi for di Ministerio di Defensa. Mayoria di e incidentenan aki ta di e ultimo dos añanan: 19 melding y 17 keho na 2016 y tambe 22 melding y 7 keho entrega na 2015.
Esaki ta un aumento compara cu añanan anterior. Na 2013 tabata tin 5 melding y tabata tin 3 denuncia entrega. Na 2014 tabata tin 15 melding y 3 denuncia.
Ministerio di Defensa no por splica e motibo di e aumento. Segun un vocero, e atencion pa misionann den exterior ta un hunga un factor. Tambe nan tin mas atencion pa e meldingnan aki.
Den hopi caso ta trata di civilnan cu ta menasa e militarnan. Pero menasa di un militar of ex- militar tambe sa sosode. Cuater biaha un partner di un militair tabata e obhetivo. Tres biaha tabata trata di un menasa door di un musulman of cu un simbolo musulman.
Fuente: ANP