Un diadomingo ameno tabata Mercado Santa Rosa cu a cuminsa for di maunta trempan 8’or di mainta y cu a bai te 1’or di merdia. Hopi ta esunnan cu a pasa un rato na nos mercado pa asina por disfruta di e facilidad y asina cumpra loke nan tabata tin mester.
Nos productornan local a demostra un biaha mas cu e maor pa sigui produci productonan fresco pa Aruba. Nos por a tuma nota cu tabata tin varios cuminda di cunuco cu a wordo bendi durante di mercado. Nos ta papiando aki manera Cherry Tomatoes, Boonchi Cunuco, Taya Blad, Celder y Spinach. Serca Otro productornan tabata tin Pampuna, Calbas Largo, Comcomber Chikito, Berehein, y Jambo.
Remedinan di Tera traha di aloe den diferente manera y sabor produci pa nos mes un hendenan.
Pasabocanan dushi mane Jam cu sabor di Guaba, Mango y Papaya cu sucu y sin sucu. Asina nos por sigui menciona con hopi producto local ta wordo produci especialmente pa benta durante di nos mercado di parti nos productornan local.
Nos tabata tin e honor di por a ricibi bishita di minister di Transporte, Telecomunicacion y Sector Primario, Sr. Chris Romero kende tambe a bin bishita nos mercado Santa Rosa y admira con tur cos tabata canando.
Di parti di Santa Rosa hunto cu minister Sr. Chris Romero ta manda palabra di gratitud y felicitacion na tur cu a pone di nan parti pa haci e Mercado Santa Rosa un biaha mas exitoso.