Hopi a participa den video di Harlem Shake mientras un compania no a gusta esaki

Den luna di Februari a bin un baile cu a hala atencion di hopi hende cu un musica su tras “con los terrorista” cu ta di 30 seconde y bo tin cu traha un video di esaki su movecionnan. Basta compania a participa na esaki e.o Setar, Frasa, Lotto, Nagico,  Aruba 77 Motor Oil, Power Fm, Cool Fm, diferente otro scolnan. Y un di e Harlem Shakenan cu a hala atencion tabata di Post Aruba Nv, unda coleganan den e camber unda cu ta colecta tur e cartanan a haci e grabacion di harlem Shake. E tabata un di e videonan mas comenta y gusta riba Youtube. Ora e video aki a yega na man di hefenan halto den Post Aruba nan a keda masha disgusta mes cu a haci cu diamars y diaranzon a bisa tur e trahadornan pa wak e video ta kita y esaki no a cay den bon tera cerca nan. E trahadornan a comenta na nos redaccion ora cu bo kier tin un bon ambiente den trabou bo ta haya cu uno no kier e mihor ambiente sino e ambiente negativo.Te cu dia di awe nan no a haya e motibo for di gerencia pa kico a pidi pa kita e video. Te asta riba e facebook di Harlem Shake Aruba a laga un nota atras cu a hala hopi atencion unda gerencia di Post Aruba no ta gusta e harlem shake di Post Aruba.